********
-يعني ايه؟ يعني مش هنعرف ننزل السنه دي كمان ؟
عبدالرحمن بتنهيده: لا مش هنعرف يا ايمان
ايمان ببكاء: أنا بقالي اسبوع مش باكلمهم على اساس هننزلهم اخر الاسبوع ونعملهم مفاجأه وفي الاخر بردوا مش نازلين!
عبدالرحمن بعصبيه: عايزاني اعمل ايه يعني ما هو غصب عني بردوا اديكي شايفه مش راضيين يدوني اجازه في الشغل والمدير راسه والف سيف انه لو نزلت هيلغي العقد ويخليني ادفع غرامه 2 مليون ريال وانتي عارفه انه مش معايا المبلغ دا !
ايمان بكاءها يزداد اكثر فاكثر: منه لله ربنا على الظالم والمفتري
عبدالرحمن: هو شكله بيعمل اسلوب تطفيش علشان ادفع الـ2مليون ويجبرني على كدا
ايمان باستغراب: وهو يعمل كدا ليه؟
عبد الرحمن :سمعت انه فيه ازمه في الشركه ومحتاجين سيوله
ايمان: لا حول ولا قوة الا بالله ومش لاقي غيرنا يعني؟
عبدالرحمن:انا عارف .. ربنا يصلح حاله
ايمان: خلاص هاكلم البنات بكره ولوني مش عارفه هاقولهم ازاي انه احنا مش هننزل السنه دي والبنات وحشني اوي يا عبدالرحمن
عبدالرحمن باختناق: ووحشيني انا كمان ... بس ما باليد حيله
---------------
أكرم بحسره على صديقه: يااااااه للدرجه دي يا مصطفى وماكنتش حاسس بالموضوع دا خالص؟
أحمد: وهيحس ازاي ؟ طول ما هو كل همه البنات وبس
مصطفى بندم وغضب من نفسه : ايوه معاك حق يا أحمد كنت معتمد على المدير الزفت دا وكنت باشتغل واتابع بس بعدين بقيت اكبر دماغي ومره في مرة بعدت خالص واخد وش واتزفت خد فرصته وسرقني وهرب !
أكرم: معلش يا مصطفى الواحد بيعيش علشان يتعلم ويموت وهو بيتعلم وفي الاخر لعله خير قول الحمدلله
مصطفى بابتسامه خفيفه: الحمدلله
أحمد: هتعمل ايه دلوقتي طيب؟
مصطفى باستسلام: ابدا .. كنت جاي هنا ارفع عليه قضيه وادور عليه يمكن اخد حقي بس لسه مالاقتهوش
أحمد: اصلا ما اعتقدش هتلاقيه هو مش غبي لدرجه انه يفضل بعد ما سرق كل المبلغ دا اكيد خد ديله في سنانه وكت على بره وقال يا فاكيك
مصطفى بتفكير: انا عندي احساس انه هيطلع غبي ومش هيسافر دلوقتي وهلاقيه واعرف اخد حقي منه كويس اوووي وبعدين انا عندي ناس في المطار وبيقولوا انه لسه ما سافرش وهما لو عرفوا عنه ايه حاجه هيقولولي فورا
أكرم: مصطفى أبوس ايدك بلاش تهور
مصطفى وهويعود لطبيعته المرحه مادا يده لاكرم
وهو بيبتسم بخبث: طب بوس كدا
أكرم قام بضرب يده: وقال ايه انا خايف عليك وصعبان عليا اللي حصلك ... تصدق انك انسان بارد ! وتستاهل اللي حصلك ! يا باااااارد تلاجه يا ربي
مصطفى مازحا: هههههههههههه طب هات لو معاك حاجه حطها فيا لتبوظ
أكرم: ثقيل ثقيل يعني .. قمه الرخامه يا اخي ايه دا !
أحمد: ههههههههه هي عادته يعني ولا هيشتريها؟ ... انا هامشي بقى عندي شغل كتير ابقى خلينا نشوفك يا درش .. يلا سلام
مصطفى: هههههه هاروح فين يعني؟ على قلبكوا .... سلام يا أحمد
التفت مصطفى لاكرم وغمزه بخبث:
قولي بقى يا أكرم بيه لسه مالاقتش الفتاه المجهوله اياها؟
أكرم بتنهيده كبيره: لا مالاقتهاش ... أموت واعرف هي مين وتعرفني ولا بتشوفني فين
مصطفى: هههههههههههه شكلك وقعت ولاحدش سمى عليك يا أبو المكارم
ابتسم أكرم ابتسامه باهته وشرد في "الفتاه المجهوله" :يا ترى هتكون مين يا أكرم ....
-----------------------
هند واقفه تنظرالى القمر وتتنهد تنهيده قويه من قلبها تخرج فيها كل ما تشعر به وفجأه سمعت احد يحادثها:
-مالك يا هند ؟ حالك مش عاجبني
هند: ولا حاجه يا فريده
فريده وهي تقوم بغمزها : عليا انا الكلام دا بردوا يا هند ؟ طب قدام مرام وقولنا ماشي لكن قدامي انا ايه ... وبعدين التنهيده اللي سمعتها دي كلها وبردوا بتقولي مافيش حاجه؟
هند استسلمت: بافكر في بابا وماما ... مرام عندها حق ومن غير ما تقاطعيني يا فريده لو سمحتي انا وانتي متأكدين انه معاها حق حتى لو كنا بنحاول نقنعها ونقنع نفسنا بس هي صح
فريده تنهدت: بس يمكن فيه عندهم ظروف ...
هند بعصبيه وهي تشعر انها لم تعد تتحمل اكثر: انتي بتضحكي على مين هااا؟ عليا ولا على نفسك! ردي ! قوليلي انهي اهل في الدنيا دول اللي يسيبوا بناتهم في بلد لوحدهم من غير قريب ولا حد ياخد باله منهم ! ازاي يسافروا ويسبيبوهم لوحدهم كدا بطولهم ! وماتقوليليش علشان مصلحتنا يا فريده ! هتبقى فين مصلحتنا لما يدخل علينا حرامي نص الليل ويدبح واحده فين دا لو ماكانش كلنا او يأذيها و يسرقنا !! ها ؟ فين مصلحتنا في كدا هيستفيدوا بايه ! طب سافروا وقولنا ماشي وعديناها انما يفضلوا 5 سنين!!! من غير ما يشوفوا بناتهم واخرهم يطمنوا عليهم بالتليفون ولا سألوا بقالهم اسبوع كمان اهو ويا عالم هيفضلوا نسينا لحد امتى ! انتي فاهمه يعني ايه أب و أم يفضلوا 5 سنين ما شافوش بناتهم يا فريده !! يعني القيامه قامت خلاص يعني دول من الاخر كدا مش أب و أم دي أم جلال اللي قصادنا بتودنا وتسأل علينا اكتر منهم !
وأمام صدمه فريده بكلام هند لم تستطع النطق وفجأة توقفت هند وبدأت في البكاء بحرقه وطريقه هيستيريه وألقت بنفسها في حضن فريده.
فريده بعد فتره مش قصيره: خلاص صلي على النبي بقى كدا واستعيذي من الشيطان وادخلي اتوضي وصلي علشان تنامي ورانا بلاوي بكره وانسي اي حاجه تزعلك
بصيتلها هند بابتسامه امتنان ودخلوا من البلكونه ومروا امام غرفه مرام
فريده:ههههههه بصي المفتريه نايمه ازاي؟ نص على السرير ونص على الارض ياخرابي مفتريه حتى في نومها
هند: ههههه ربنا يهديها
فريده: ههههه يارب يلا اعملي زي ما قولتلك ونامي ... زمانها خلصت على كل الرز بلبن بتاع الملايكه ومش هتسيبلنا حاجه دي مفجوعه وانا عارفاها
هند:هههههههههههه على يديييييييي
صلت هند كثيرا ودعت اكثر ومازالت دموعها تنزل بغزارة من قسوة الاب والام الذين تركوا بناتهم بمفردهم حتى وسيله الاتصال الوحيده –المكالمات والتليفون- اوقفوها ... كيف يكون هناك اب وام بهذا الشكل يارب .. هل يعقل انا يأتوا بنا لهذه الدنيا ليتركونا... من اين اتوا بكل هذه القسوة ؟... فنحن لم نخطأ في حقهم في يوم من الايام... يارب يارب صبرني يارب وقويني ...لا تحرمني من اخوتي ... الحمدلله انهم بجواري..فضل ونعمه منك والا ماكنت لاستطيع العيش في هذه الدنيا بمفردي
كلامها مع هند اراحها وكلامها مع الذي خلقها طمنها اكثر واكثر.. وكيف لا تطمئن وهي بين يدي من هو احن من احن مخلوق .
ونامت وهي مبتسمه وهادئه ودموعها توقفت على أمل يوم أحلى واجمل كثيرا لانه اكثر جمله مؤمنه بها هي "لسه الاحلى ماجاش..وانا هافضل استناه"
نهاية الحلقة 3
0 التعليقات:
إرسال تعليق