******
تــــــــــكـــ تــــــــكــ تــــكــــأحمد: اتفضل !
أكرم بابتسامه : صباح الخير على احلى أحمد في الدنيا
أحمد نظر في ساعته ورد عليه من دون النظر اليه: صباح الخير ايه ؟ دا العصر على وشك خلاص !أكرم بضحكه : هههههه خلاص تبقى صباح الخير بليل
أحمد بتنهيده: أكرم ... ايه اللي جابك الساعدي ؟
اكرم وهو يمثل انه مصدوم: اااه أخي ويحك ... ما هذا السؤال العجيب المريب الغريب المريب ؟
أحمد بدون اهتمام : قولت مريب مرتين
أكرم باستغراب : دا بجد؟ ... اه تصدق صح ... وبعدين انت بتركز كدا ليه؟ يا رااجل كبر مخك
أحمد: هههههههه يخرب عقلك اكتر ما هو خربان بقى دا منظر ولا كلام دكتور في جامعه المفروض بيعلم الطلبه؟
أكرم: هههههههه ما هو من كتر التعامل مع الطلبه بقيت واحد منهم... سيبك انت المهم يلا بينا عازمك على الغدا وخلي بالك العزومه دي ما بتتكررش كتير ... انتهز الفرصه
أحمد : انا اللي فاكره انه انت لسه عازمني من 5 ايام على الغدا وقبلها بيومين بردوا عزمتني .... دا كدا وانت مش بتكرر العزومه كتير اومال لو كررتها هتعمل ايه؟
أكرم يصطنع الكسوف ويكح: احم احم ... كنت فطرت واتغديت واتعشيت معاك ايه رأيك .. اهو رخامه كدا !
أحمد: ههههههه لا لا انت هتقولي ... امشي قدامي يا رخم!
أكرم : ههههههه .... واء واء واء انت وحس يا عمو أحمد انت كخه
أحمد: ههههههههههه مافيش فايده الله يعين الطلبه بتوعك ... وانا اقول سيف بيجيب الكلام دا منين! ... استغرب ليه اما خاله كدا اساساً
أكرم: مالكش دعوه بسيفو حبيبي دا !.... ويلا بقى !
************
فريدة: يلا يا هنودة يا حببتي بالهنا والشفا
مرام وهي بتخفي ضحكاتها: كلي وانتي ساكته بدل ما تحدفهم في زورك عدل وما يعدوش على الطبق حتى ههههههه
فريده: هاهاهاها ايه الخفه دي يا ست مرام ماكنتش اعرف انه دمك خفيف كدا
مرام: وكنتي هتعرفي منين يعني عملتيلي سيادتك تحليل دم ولا حاجه ؟
فريده: لا دا انا اللي هاصفي دمك دا دلوقتي
هند: هههههه كفايه حرام عليكوا هاموت من الضحك
فريده: بعد الشر عنك يا حبيبتي اموووه
مرام بغيظ مصطنع: ايوه بقى ناس ليها بعد الشر وناس ليها تصفيه الدم
فريده: ايوه بالظبط كدا علشان الناس اللي مش بتسمع الكلام
مرام:يوووه مش المفروض اقتنع بالحاجه قبل ما اعملها؟ سيبيني لما اقتنع بقى
فريده: المشكله انك مقتنعه بس ايه اللي منعك مش عارفه... واساسا الحاجات دي مافيهاش اقتناع .. دا أمر ربنا ! فاهمه!
هند: بتتكلموا عن اللبس صح؟
فريده: هو فيه غيره
هند تغير الموضوع: الا صحيح يا فريده هي ماما ما اتصلتش ولا بابا؟
فريده : لا ماحدش اتصل يمكن هيتصلوا بكره
هند: بس دول بقالهم اسبوع لا حس ولا خبر
مرام بعدم اهتمام: وانتي خايفه عليهم ليه اصلا؟ اذا كانوا هما ماخافوش انهم يسيبونا لوحدنا وسافروا عادي ولا اكن فيه وراهم 3 بنات
فريده: احنا اتكلمنا كتير في الموضوع دا يا مرام هما عملوا كدا علشانا علشان نكمل دراستنا ونتعلم
مرام بسخريه: لا يا راجل ؟ طب ما دي اخر سنه ليا اهو والمصاريف مدفوعه وانتوا خلصتوا واتخرجتوا ما رجعوش ليه بقى؟
هند: العقد اللي عملينه لسه فاضل عليه 10 سنين ماينفعش يرجعوا قبل كدا
مرام: ههههههههه موت ياحمار.. يعني هيرجعوا بعد ما كل واحده فينا تبقى في بيتها ومش بعيد يكون عندها عيل ولا اتنين
فريده وهي تحاول تهدئه مرام وتغيير الذي كلما ذكر يدخلن في صراع بين المهاجمه والمدافعه واختلاق الاعذار لوالديهم: هههه دا انتي اللي موت يا حمار ... هو فيه عرسان اليومين دول اصلا يا بنتيهند وقد فهمت غرض فريده فارادت مساعدتها : ويبقى فيه ليه اصلا ما هما بيصاحبوا يبقى يعملوا ايه بالجواز والنكد
مرام وقد ارتاحت لتغيير الموضوع: فعلا اللي يتجوزك يا بنتي يبقى اتجوز النكد بعينه ودخله بيته على طوووووول ..
هند مصطنعه العصبيه :ليه بقى ان شاء الله شايفاني ماشيه اعيط قاعده اعيط نايمه اعيط ولا لاكون باشد في شعري واصرخ عمال على بطال مثلا؟
فريده وهيلا تستطيع التوقف عن الضحك: ههههه بس بقى غرقتلنا الشقه بدموعك دي!
مرام :ههههههه لا بس على طول ضربه بوز ابو شبرين دا (وقامت بعمل"بوز" مضحك في محاوله لتقليد هند )
هند وفريده ومرام دخلن في نوبه ضحك لدرجه انه الدموع بدأت تنزل من أعينهم هند وهي تحاول التكلم من وسط ضحكها: بقى انا بابقى كدا ؟
مرام : لا وعليكي شكل ايه زي بتوع البطاقه الشخصيه للمصريين هههههه ارفع راسك فوق .. بص قدامك ... ما تضحكش ... ما تبربش .. ايييه عايشين مع الشاويش عطيه يا ربي
هند: ههههههههههههه بقى كدا ؟ طب والله لاوريكي الشاويش عطيه دا هيعمل فيكي ايه
فريده: لا لا سبيلي الطلعه دي .. علشان انا مغلوله منها لوحدي ... تعاليلي يا مرمورتي
مرام اسرعت على غرفتها وهي تضحك : لا لا حرام كدا كتير! اتنين على واحد
فريده ركضت خلفها وهي تضحك: والله لاوريكي النجوم في عز الضهر
اختفت ابتسامة هند وجلست على اقرب كرسي شارده وتمسح دمعه كانت تحاول النزول بسرعه قبل أن تعود أيا من الفتيات ومن ثم ترسم ابتسامه مجبره وتنهض قائله: فريده خلصتي عليها ولا لسه ؟ ... استني انا جااااااااي
*************
أحمد: انت عارف الشغل كتير وما بيرحمش وانت سايب شغل الشركه كله عليا لوحدي
أكرم: ما انت عارف اني ماليش في شغل الشركات دا وبعدين الله يعينك يا سيدي
-ايه دا الباشوات بيتغدوا هنا ؟ يا محاسن الصدف
أكرم: ايه دا ؟ انا مش مصدقه عيني ! مصطفى بهيج بنفسه هنا لا لا انا مش مصدق نفسي يا جدعان ... حد يقرصني كدا
مصطفى بشر: هههه من عنيا الجوز هو انت جيت في جمل ؟
أكرم: اه اه اه اييه حرام عليك يا ظالم انت ما صدقت ولا ايه؟
مصطفى: هههههه الله مش انت اللي طلبت وانا نفذت بس
أكرم: نفذت بضمير اوي كدا ليه يا اخي يا بااااايي منك
مصطفى: ههههههه تعيش وتاخد غيرها يا صديقي .... ازيك يا أحمد؟
أحمد: الحمدلله وانت اخبارك ايه؟ واخبار شغلك ايه؟
مصطفى: نحمده ونشكر فضله لا الشغل بيخلص ولا مشاكله ومصايبه بتخلص
أكرم: طب تعالا اتغدى معانا
مصطفى: لا يا عم انا مش هاتقل دم روح انت اتغدى مع أحمد ونبقى نتقابل بعدين
أكرم برخامه : انت لسه هتقل دم؟ ... انت ما تعرفش انه تقيل ولا ايه ؟ ... وبعدين هتتغدى معانا يعني هتتغدى ولا فيه جو مستنيك ولا حاجه
مصطفى: ههههه جو ايه بس يا ابني .. بقولك مشاكل في الشغل وجاي اشوفلها صرفه
أكرم بلهجه امره : خلاص يبقى تقعد معانا احنا لسه اصلا ما طلبناش الغدا ودا اخر كلام عندي
مصطفى بخضوع : طيب تمام
نهاية الحلقة 2
0 التعليقات:
إرسال تعليق