☜أنا وأنتِ يساوي☞

تحميل

قراءة على المدونة 

قراءة على الفيس

goodreads

***

☜كوخ بآخر المدينة☞ 

تحميل 

قراءة على المدونة

goodreads

***

☜أصدقائي قنبلة ذرية☞ 

تحميل 

قراءة على المدونة

قراءة على الفيس

goodreads

***

☜رُزقتُ الحلال☞ 

تحميل

قراءة على المدونة

قراءة على الفيس

goodreads

***

☜قصص قصيرة☞

قراءة على الفيس

نادت ديما على الخادمة: الأكل كله جهز ؟

الخادمة: أيوه يا ست ديما

ديما محذرة: مش عايزة حاجه ناقصة يا سيدة

سيدة: من عنيا يا ست هانم ما تخافيش هي دي أول مرة يعني ؟

أتت مريم ضاحكة: براحه شوية يا ديما هيجرالك حاجه كدا

ديما: خلاص روحي يا سيدة

 ربتت مريم على كتفها: ما تقلقيش كله هيبقى تمام التمام

ديما: يا رب ، دي أول مرة نتجمع فيها من سنتين كلنا سوا يعني الولاد وأزواجنا وعايزة كله على سنجة عشرة

مريم: قصدك على سنجة 100 ما اعتقدش إنه عشرة هتكفيكي

تقدمت رنا منهما ضاحكة: لسه متوترة ؟

مريم ضاحكة: هو هو ، دي متوترة ولا أكن إنهارده يوم جواز شهاب و مراد

ديما: ههههههههه يا رب ياختي بس دول ما باينلهومش جواز من أصلاً

رنا: ليه كدا ؟ ، أومال مين اللي هيتجوز منة و ندى ؟

مريم مقهقه: كله إلا ندى يا بنتي ، أنا مش عارفة جبتيها ليه مش كفاية التلاته التانين؟

رنا بشر: أحسن ، عشان ما يقولش عايز بنات تاني ويتلكك ، المهم قولتي إيه يا ديدي ؟

ديما: لا ، دول عقاب وأنا بأحب منة وندى ولا يمكن أبليهم البلوة دي أبداااا

مريم: ليه كدا يا بنتي ؟

ديما: الإتنين طول اليوم بره ، شوية في النادي وشوية مش عارفة فين ... تعبوني

رنا: وباسل فين ؟

ديما متنهدة: غلب معاهم ، بس أهو وراهم ، هو اللي بيقدر عليهم بصراحة

مريم: إن شاء الله هيبقوا أحسن وزي ما بتتمنيهم ، هي فترة المراهقة كدا ، تعالي إنتي شوفي نهاد ودينا ومهند وإنتي تعرفي الجنان اللي على أصله

- مين اللي بتتكلم على الجنان دي ؟

قالتها هدى متقدمة منهم.

مريم: أنا ياختي ، تو ما شرفتي ؟

هدى: يا بنتي اسكتي ، أنا أطلع دا من الحمام الاقي التاني نزل مش عارفة فين والتالت مش لاقي مش عارفة وأدورله ... موال عقبال ما عرفنا نيجي

ديما: ههههههههههه أنا أصلاً مش عارفة عايشة مع 3 توائم إزاي

هدى: عشان تعرفوا إنكوا ف نعمة

مريم: ربنا عوضك السنين اللي كنتي خايفة قطر الجواز يفوتك وعمرك ما تبقي ماما بيهم

هدى برضا: أه والله ، أنا ومروان فضلنا نصلي شكر لربنا وطلعنا ذكاة كتير بعد ما الدكتورة قالتلي مش هتحملي تاني

- أيون ، كفاية عينك اللي طلعت مع عائشة وعمار وفاطمة

قالتها ميرنا وهي تقوم بتقبيل هدى والسلام عليهم.

ديما معاتبة: اتأخرتي ليه ؟

ميرنا: ياختي تقوليش جوزك دا مش صاحب جوزي ! ، يحيي فضل تايه بينا ساعة ومش عارف يوصل ، أنا مش عارفة أنتوا خلتوها دعوة عامة ليه ، ما كنت هارمي العيال ونقعد قعدت ستات وننم براحتنا

ضربتها ماري على رأسها مقتربة منهن: طول عمرك هتفضلي عيلة كدا

ميرنا بحنق وطفولية: وإنتي كنتي فين يا هانم لدلوقتي ولا العتاب من نصيبي لوحدي

ضحكت ديما: يا تحفة ، ماري كانت بره بتشوف المكان جاهز في الجنينة عشان نطلع الأكل ولا لأ

ميرنا: أه بأحسب ، أصل العنصرية بقت ف كل حاجه دلوقتي

مريم: هما الرجاله فين ؟

ديما: كانوا ف أوضة المكتب ، نرص الأكل وبعدين ننده للولاد وليهم

ميرنا: مش كنا نقعد قاعدة بناتيتي أحلى

ديما: يا بنتي إحنا كل شهر بنقعد سوا إنما كلنا كدا ما اتجمعناش من يجي سنتين

هدى: بس كويس إننا هنتجمع هنا ، المكان واسع وكمان فيه خصوصية عشان نقعد براحتنا

ديما بصوت يشوبه الحزن: بابا مراد كان نفسه بيته يفضل مفتوح حتى بعد موته وأهو بأحاول أحققله أمنيته وما رضتش أخلي باسل يجيب بيت تاني ورفضت الفكرة لما عرضها عليا

هدى: ربنا يجعله في ميزان حسناتك

مريم: وإيه أخبار طنط وأنكل فوزي يا دودو ؟

هدى بحزن: بابا تعبان ومش بيتحرك من السرير وماما بتحاول تخلي بالها منه بس بردو السكر عامل شغله معاها

ماري: ربنا يشفيهم ويقوموا بالسلامة

ديما: طب يلا ننجز بقى عشان زمانهم جاعوا

بعد أن تم إعداد الطاولة في الحديقة المليئة بشتى أنواع الزهور الفواحة ، اتجهت ماري إلى غرفة المكتب لتخبرهم بأن الطعام قد أعد.

اقتربت منهم ميرنا هامسة: كويس إنه ماري مشيت عشان عايزة أقولكوا على حاجه

مريم بقلق: خير ؟؟

ميرنا: بصوا بقى أنا قريت حديث عن الرسول -صلّ الله عليه وسلم- بيقول " منْ حفظ على أمتي أربعينَ حديثًا منَ السنةِ ، كنتُ له شفيعًا يومَ القيامةِ " إحنا بقالنا فترة مش بنعمل حاجه تقربنا من ربنا سوا ، إيه رأيكوا نحفظهم وناخد ثوابهم؟

هدى: بس دا حديث سمعت إنه ضعيف ، بس مش متأكدة

ميرنا بحنق: يعني هو حفظ الحديث دا حرام ؟؟؟ ، يا بنتي خلينا نعتبره صحيح وناخد الثواب وحتى لو ضعيف بردو أخدنا الثواب

مريم: إحنا أصلاً على مدار حياتنا حافظين أكتر من كدا

ديما: خلاص إحنا نجدد نيتنا ونحفظهم من تاني أو نراجع عليهم

ميرنا: أيوه كدا هو دا الكلام

هدى: خلاص وكمان نخلي أزواجنا وأولادنا يحفظوهم

ميرنا: تمام ، أنا خفت أقول قدام ماري عشان ما تزعلش ، أصلاً لحد دلوقتي شريف واخد موقف من يحيي عشان أسلم مع إن ماري ما اتكلمتش وبتتعامل عادي معانا.

تنهدت ديما: ربنا يهدينا جميعاً ويصلح حالنا

اجتمعت العائلات وتناولوا الغداء في جو يسوده الحب والتفاهم ، لقد أصبحت العلاقة بين شريف ويحيي أحسن مما كانت عليه فور علمه بتركه لدينه وإعلان إسلامه ، لم يهتم يحيي لتلك الضجة الفارغة حول إسلامه ولا لهجوم البعض وتأييد البعض الأخر لقرراه ولكنه حقاً اهتم برد فعل شريف تجاهه فقد أحبه فعلاً.

قام باسل ومروان بمساعدة كريم بتصفية النفوس وإعادة العلاقات بينهما من جديد بطريقة غير مباشرة لم يلحظها شريف ولكن بالطبع فهمها يحيي ولكنه ادعى عدم الفهم حتى تسير الأمور بشكل طبيعي ولا يثير الريب.

كما أن توسلات زوجته ماري قد أتت بنتيجتها فقد اقتنع برأيها ، فكل فرد مسئول عن دينه وقرارات حياته فلا أحد سيحاسب عوضاً عن غيره ، لقد قرر أن يغير ديانته إذا هو من سيحاسب عن ذلك ليس غيره.

باسل: صحيح يا يحيي اعمل حسابك ، شادي عزمنا على عقيقة ابنه سليم

كريم: أنا لحد دلوقتي مش مصدق إنه إتجوز لبنى

نظرت له مريم بحنق: ليه بقى إن شاء الله ؟

يحيي ضاحكاً: إلبس بقى يا معلم

كريم: أنا قصدي إنه شادي كان بيقول إنه مش بتاع جواز وكلام من دا وفي الأخر أتجوز لبنى

باسل: ما هو طلع عينها وطلعت عينه فضلوا مخطوبين 3 سنين وهما الإتنين جاهزين بس تسأله يقولك أهو مزاجي كدا

مريم: وأنا سألتها قالتلي أحسن خليني أطلع عينه عشان يتربى

شريف ضاحكاً: تحسوا إنهم متجوزين بعض تخليص حق

يحيي: هههههههه بس أهو دا ابنهم الخامس باين ، دي تقريباً حالفة لتطلع عليه سنين الخطوبة بالعيال

مروان: ههههههههه ربنا يخليهم لولادهم يا عم

يحيي: أمين يا سيدي

مروان متذكراً: بقى أنتوا كنتوا بقالكوا حوالي 14 سنة تقريباً بتتقابلوا مرة كل شهر ؟

هدى: دا لحد دلوقتي مش مصدق من ساعة ما قولتله

ميرنا: أكيد يا بنتي ، هو في زينا ف الزمن دا

ديما: ربنا يديم اللمة دي علينا

الجميع : أمييييييييييييين

باسل: ربنا ما يوقع حد بين إيديكوا

أضاف مروان بمكر: دا أنتوا صحيح قنبلة ذرية !

وانتهى الجمع على إلتقاط صورة عائلية للجميع ، تضاف إلى ألبوم الصورة الخاصة بهم ، فكلما اجتمعوا التقطوا صورة لتذكرهم بهذا اليوم الجميل والجمع السعيد.

هكذا دامت الصداقة بينهن لسنوات طوال ، حتى أنها تسربت منهن إلى الأزواج فتربى على ذلك الأولاد ، وامتدت بينهم العلاقات.

تمت بحمد الله

أتى يوم عرس ميرنا ويحيي ، كان الجميع على أتم الإستعداد والمكان في غاية الأناقة والجمال.

تكفلت رنا بالإهتمام بالقاعة وديكوراتها ومريم تولت الإشراف على الطعام وأصنافه بالإضافة إلى قالب الحلوى الخاص DJبالعروسين ، اعتنت ماري بفقرات العرس من الـ

والمصور والتصوير وغيرها ، هدى كانت برفقة ميرنا طوال اليوم لتهدئ من قلقها وديما برفقتها بعد أن تولت مسئولية وضع المكياج الهادئ.

والدة ووالد ميرنا يشرفون على التحضيرات النهائية واستقبال الضيوف.

اجتمعت الفتيات في غرفة العروس التي تتحضر بها ، بدلن ملابسهن وبدأن في المزاح سوياً ، أخذت لهن والدة ميرنا العديد والعديد من الصور حتى تكون ذكرى لهذا اليوم السعيد.

ماري بحزن: هو إحنا كدا اتفرقنا ؟

مريم فزعة: ليه بتقولي كدا ؟

ميرنا وهي على وشك البكاء: كل واحدة بقى ليها حياتها وخلاص هننشغل عن بعض

نهرتها ديما: أوعي تعيطي أنا طلع عيني في المكياج دا ، دمعة واحدة ويكون ف خبر كان ، وبعدين ما تقوليش كدا إحنا على طول هنبقى سوا !

ماري: إزاي وإنتي ومريم ، وميرنا هتحصلكوا ، استقريتوا ف العين السخنة و أنا ورنا وهدى بس اللي هنا وطبعاً الولاد مش هيخلونا نعرف نتحرك ف حته !

رنا محبطة: هتوحشوني أووي

ديما بغضب: بس منك ليها ، هو إحنا هنروح بلد تانية ؟ ، ما إحنا ف نفس البلد وبعدين دي كلها ساعتين بالعربية

هتفت مريم بإنتصار: أنا عندي فكرة !

ميرنا: إيه هي ياختي ؟

مريم: إحنا نخلي الشقة بتاعت ديما اللي كنا بنتجمع فيها دي المقر بتاعنا وكل شهر يبقى في يوم نيجي فيه ونقعد سوا فيها

ماري: طب والولاد ؟

مريم: والولاد معانا وفيها إيه يعني ؟ ، حتى يبقوا صحاب مع بعض زينا ويتعلموا مننا

رنا بمكر: أو نسيبهم مع أبهاتهم عشان يعرفوا إحنا بنتعب قد إيه

ديما ضاحكة: يالاهوي ع الشر ، إنتي لسه شايلة الحكاية دي ف قلبك !

رنا ضاحكة: أومال إيه !

مدت مريم يدها قائلة: هنتعاهد على كدا ، عشان مافيش واحدة تكسل أو ما تجيش ...تمام ؟

وضعن أيدهن بالتوالي فوق يد مريم وقلن في نفس واحد: وعد

----------------

دنى شادي منها هامساً: تعرفي إنك حلوة أوي الليلة دي ، دا إنتي غطيتي على العروسة يا شيخة

نظرت له بغضب: ممكن تخليك ف حالك ؟

بعد أن قالتها تركته متجهة لتحية العروسين ، لاحقها مبتسماً في تحدي: ما أنا وراكي وراكي والزمن طويل يا لولو

وقفت تتحدث مع مريم دون أي ضغينة وكأنهما صديقتان عزيزتان ، ظل واقفاً على مقربة منها يتابع حديثها حتى أصبحت وحيدة.

قال بجدية معتذراً: أسف لو كنت غلطت ف حقك قبل كدا

نظرت له بشك ولكنها قالت: ما حصلش حاجه

تابع بإصرار: إنتي من شوية قولتيلي ، ممكن تخليك ف حالك ... مش كدا ؟

لبنى متعجبة: أيوه

شادي بجدية بينما عينيه تحمل إبتسامة: طب ممكن تقبلي إنك تبقي حالي ؟

حملت ملامحها كل علامات البلاهة وسألته بعفوية: نعم ؟

شادي موضحاً: ممكن تقبلي تتجوزيني وتبقي مراتي اللي هتشاركني حياتي ؟

---------------

جلست ميرنا تراقب زوجها وهي يؤدي فرضه ، كم شعرت بالرضا عن إسلامه وأن الله يحبها إلى درجة إحداث تلك المعجزة ، لقد عوضها الله صبرها خيراً ؛ فقد صبرت على فراق من أحبه قلبها ولم تفرط في دينها بل تقربت إلى ربها أكثر فهو وحده من يفهمها ومن يسبب الراحة لقلبها فجازاها الله بإسلام من أحبت لتقر عيونها وترضا ، لقد عوض عذابها بأن جعلها سبباً في إسلام معشوقها.

سلم منهياً صلاته و اقترب ليجلس بجوارها مبتسماً: بتبصيلي كدا ليه ؟

أجابته بإبتسامة سعيدة: مبسوطة إنك لسه متمسك بالإسلام ، أنا خوفت لبعد فترة تزهق وتسيبه

تنهد ثم قال بجدية: أنا ما اسلمتش من فراغ ، بالعكس أنا بحثت كتير ودورت أكتر لحد ما وصلت للقرار دا ، قلقك مالوش داعي لإني ما أسلمتش بين يوم وليلة

ضمتها بقوة: ربنا يخليك ليا ويدمها علينا نعمة

ضمها: أمين

ابتعدت فجأة قائلة بجدية: على فكرة أنا خارجة إنهارده ومش عارفة هأرجع إمتى

قطب حاجبيه متسائلاً: وهتروحي فين إن شاء الله ؟

أجابته إجابة مبهمة: مشوار

تنهد: طب خديجة ومحمد ؟

ميرنا ببساطة: خدهم عند بابا عبدالحميد أكيد هيفرح بيهم خصوصاً إنه بيحس فخديجة إنها تعويض ربنا عن مراته –الله يرحمها-

يحيي مبتسماً بحزن: فعلاً ، أنا كنت عايز أسمي البنت خديجة على اسمها والولد عبدالحميد على اسمه بس هو رفض وقالي أنا عشت طول عمري وخديجة مراتي هتيجي أنت وتخليها أختي

ميرنا ضاحكة: أيوه فسمينا البنت خديجة وسميت الولد محمد عشان يكون قدوته الرسول –عليه الصلاة والسلام-

يحيي: دي أمنية حياتي تكون بنتي قدوتها السيدة خديجة –رضي الله عنها- والولد قدوته الرسول –صلّ الله عليه وسلم-

- خلاص خليهم يروحوا عنده ، أهو يسلوه شوية بدل ما هو قاعد لوحده كدا

- أعمل فيه إيه بس؟ ، ياما إتحايلت عليه عشان يجي يعيش معانا بس هو اللي بيرفض

- معلش يا حبيبي ، هو بس عايز يفضل جنب ذكرياته مع مراته المفروض تقدر دا

- مقدره والله

- طب يلا بقى عشان تلحق تاكل لقمة قبل صلاة الجمعة

تجمعت الأسرة الصغيرة المكونة من يحيي وميرنا وأولادهما خديجة ومحمد حول طاولة الطعام قبل أن يرتفع أذان الظهر معلناً عن صلاة الجمعة التي يذهب إليها برفقة ابنه محمد الذي يبلغ من العمر ... ثلاثة عشر عاماً !

---------------

أغلق مصحفه قائلاً: صدق الله العظيم

ثم تلاه بدعاءه المعتاد ، لقد أخرج فكرة الزواج من عقله منذ زمن ، لقد قرر أن يبقى ما تبقى له من العمر في تعويض شقيقته عما فعله بها ، أصبح أحن على أولادها من والدهم نفسه ، في أوقات إنفراده يسجد لله يطلب غفرانه ومسامحته عما اقترفته يداه.

أقلع عن كل ما كان يغضب الله ، نقم على كل ما يسخطه الرسول –عليه الصلاة والسلام- ، يفعل ما يبيض صفحته أمام الله ورسوله يوم الحشر بل ويعلمه لأولاد أخته.

لقد تحول محمد تماماً ، ظل يعتني بوالدته حتى أتاها الميعاد ، وعادت روحها إلى ربها الكريم الذي لطالما أشتاقت لجواره.

---------------

من يراها يبتعد عن طريقها في هلع ، إنها إحدى مجانين هذه الحياة ، لقد غرتها الدنيا بشهواتها فكانت سبباً في نكبتها.

تركها المعلم حسونه فور سأمه منها ليتزوج غيرها وغيرها كما اعتاد أن يفعل ، حاولت الرجوع إلى محمد ولكنها لم تستطع إليه سبيلاً فلقد صانه الله من رؤيتها من جديد.

هامت على وجهها في الأرض ، تعرضت لكل أنواع المذلات وشتى أنواع الإستغلال.

ليس لديها من تلجأ إليه ولم تمتنع عن أذية من عرفتهم بلا استثناء ما دام ذلك يصب في صالحها ، تخلى عنها الجميع كما تخلت عنهم وضرتهم.

شعرها المتلبد من كثرة القذارة العالقة به ، ثيابها الرثة البالية ، جسدها المتسخ الذي كانت تتباهى به.

نهايتها كانت أن تقف في وسط الطريق تمتد يدها إلى حاوية القمامة بحثاً عن رغيف خبز يابس يسد جوعها.

لقد أصبحت القطط والكلاب الضالة شريكتها في تلك الحياة ، هذا إذا سميت تلك بحياة من الأساس.

دخل الأب على ابنته ، وجدها منشغلة بالحديث إلى صغيرتها وتروي لها الحكايات حتى تنام.

ابتسم قائلاً: ما تتعبيش نفسك هي مش هتفهم حاجه

شاركته رنا ابتسامته: لا بتفهمني دي بنتي وشاركتني كل حاجه من ساعة ما خلقت

الأب بحنان: ربنا يخليكوا لبعض

رنا وهي تنظر لطفلتها بحب: أمين

تنحنح قائلاً: بأقولك إيه يا روني

أنتبهت له رنا: أيوه يا بابا

الأب بجدية: إحنا بقالنا كتير ما اتعشناش بره إيه رأيك نخرج إنهارده؟

رنا متعجبة: بمناسبة إيه ؟

الأب بلا مبالاة: كدا ، مزاجي ، المهم يلا قومي غيري هدومك واسبقينا

رنا بعدم فهم: اسبقكوا ؟ ، وأنتوا مش هتيجوا معايا ؟

الأب: لا أنا هأروح أودي حاجه لواحد صاحبي وأحصلك

رنا: طب ما أنا ممكن أجي معاكوا ونروح سوا

الأب مبرراً: أصل لو كلنا روحنا هيمسك فينا لكن لما أقوله بنتي مستنيانا مش هيقدر يقول لا

رنا موافقة: ماشي ، خلاص هأسبقكوا أنا والولاد

الأب مسرعاً: لا لا ، أنا أحفادي هيفضلوا معايا روحي إنتي

رنا بدهشة: أنا مش فاهمة حاجه

الأب بإصرار وغموض: مش مهم تفهمي ، نفذي الكلام وخلاص

رنا بطاعة: طيب لما نشوف أخرتها إيه

------------------

أنتهوا من تناول طعامهم ، أحضرت الشاي إلى غرفة الجلوس حيث وجدت مروان بمفرده ، وضعت الصينية متسائلة: أومال ماما وبابا وكمال فين ؟

أجابها مروان بهدوء: بابا دخل ينام وماما بتتكلم في التليفون أما كمال بقى فدخل يذاكر

جلست هدى على المقعد المجاور فعاتبها بحنان: يعني الناس سبتنا عشان ناخد راحتنا تروحي قاعده بعيد كدا ؟

أشار إلى مكان بجواره على الأريكة: تعالي اقعدي هنا

نفذت طلبه طائعة: حاضر

مروان بعشق: يا سلام ع الكلمة دي من بؤك ... زي العسل

ابتسمت بخجل: طب نتلم بقى

مروان بجدية: تعرفي إني لسه بأغير من كمال لحد دلوقتي

هدى بدهشة: دا أخويا !

أومأ: ما أنا عارف ، بس كل ما أفكر إنه من ساعت ما فتح عينه ع الدنيا وهو شايفك قدامه على طبيعتك وفي كل لحظات حياتك بأحسده ، مش بأقدر أمنع نفسي.

نظرت له بحب: ربنا يخليك ليا وما يحرمنيش منك أبداً ، أنت كل يوم معزتك بتزيد ف قلبي وما أقدرش أتخيل حياتي من غيرك

مروان بصدمة وقد شعر أنه أصبح يملك أجنحة يستطيع أن يحلق بها في سماء الحب بكل خفة: يا بركة دعاكي يا أما ، صبرت ونولت يا ابن نوال

ضحكت هدى ، نظر لها نظرة لم تفهمها وقال: هدى ، أنا كان نفسي أعمل حاجه من يوم كتب كتابنا بس الظروف وقتها ما سمحتش

نظرت له بترقب متسائلة ، اقترب منها هامساً في أذنها: توعديني إنك ما ترفضيش ؟

أبعدت رأسها قليلاً بقلق: وإيه الطلب دا اللي ممكن أرفضه؟

نظر إليها بجدية: تصلي ورايا وأكون أنا إمامك

تنهدت براحه فقال ضاحكاً: دا إنتي دماغك طلعت قليلة الأدب

هدى بحزن مصطنع: بقى كدا ؟

أسرع مروان: أوعي تزعلي أنا بأهزر ، دا اللي زعلك يبقى حمار

هدى بحب: أوعى تقول على جوزي كدا

مروان ببلاهة: على مين ؟

رددت هدى بخجل : جوزي

قال فجأة: أنا بأقول تقومي تجيبي سجادة الصلاة بسرعة أحسن اتهور

هدى متسائلة: أنت صليت مع بابا العشا في المسجد ، هنصلي إيه دلوقتي ؟

مروان باسماً: ركعتين شكر لله ، إنه جمعني بيكي وبقيتي مراتي وقريب هتبقي في بيتي

أومأت بسعادة ونهضت لتحضر سجادة الصلاة لتصلي لأول مرة خلف زوجها الحبيب وقد أخذت منها السعادة مأخذها ، فأخيراً قد رزقها فارس أحلامها الذي سيعينها على أمور دينها قبل دنياها ، الذي لن يكتفي بصحبتها في الدنيا فقط بل يسعى لصحبتها في الأخرة وهو يرفض الحور العين من أجلها وحدها.

-----------

وصلت إلى المطعم حيث أخبرها والدها بأن تنتظرهم به وما زالت لم تفهم سبب إصراره على إصطحاب الأولاد معه.

وجدت المكان مظلم إلا من مصباح بضوء خافت نسبياً ، اقتربت لتستطلع الأوضاع وقد عزمت على الرحيل.

كان باب المطعم مفتوحاً دفعته ودلفت إليه بهدوء ، صدمها رؤية الأرض مغطاه بالورود الحمراء كالتي كانت ترسل إليها ، ورائحة المكان قمة في السحر كما أن الشموع المضاءة أضفت على المكان رومانسية لا مثيل لها.

شعرت بنفس خلفها يهمس: وحشتيني

علمت صاحب الصوت قبل أن تلتفت إليه ، أضاف مبتسماً بحزن: أحلوتي أوووي في الفترة اللي فاتت دي

سألته بسخرية: ودا يضايقك في حاجه ؟

تحولت إبتسامته إلى إبتسامة حب: اللي مضايقني إنك كنتي بعيدة عني ، لكن إنتي طول عمرك حلوة ف نظري

قالت بنفس النبرة: عشان كدا إتجوزت عليا وضربتني

تنهد علي: صدقيني دي غلطة وهأعيش طول عمري أندم عليها ، بس أنا نفسي إنك تسامحيني

- أنهي واحدة فيهم ؟

- الإتنين

سألته بترقب: طلقت نادية ليه ؟

أجابها: هي شافت لهفتي عليكي لما لاقيت الجواب من والدك ولما روحتلك البيت بعدها فوراً وقررت إنها تبعد عني عشان دخولها حياتي من الأول كان غلط واتطلقنا وما انكرش إني ارتحت إنها جت منها لإني ما كنتش حابب أظلمها زي ما ظلمتك

سألته مقطبة الجبين: أنت جيت البيت عند بابا ؟ إمتى ؟

- بعد ما شوفت الورقة اللي كتبها باباكي ، بس إنتي ما كنتيش ف البيت

- أه ، خليتهم يسبقوني ع البيت بس ما حدش جاب سيرة يعني

ثم أضافت ساخرة: أو أنت اللي ما صدقت

- كلام بابكي كان صح ، حسيت إنه عنده حق ف كل كلمة قالها وخصوصاً لما قالي إني ما استاهلكيش

- بابا قالك كدا ؟

- أيوه ، فقررت أبعد عنك بس ما قدرتش ، وبقيت أبعتلك الورد والكروت دي

- وكنت هتفضل كدا لحد إمتى ؟

- بصراحة وقتها ما كنتش عارف ، بس بعدين فكرت قولت إني كدا بأضيع وقت ممكن أكون فيه معاكي ودا اللي نبهتني ليه ميرنا

- ميرنا ؟؟ هي كلمتك ؟؟؟

- أه ، جاتلي المكتب وقالتلي لازم أخد خطوة لإنه اللي باعمله دا تصرفات مراهقين وإحنا عندنا 3 عيال دلوقتي

- ههههههههه ميرنا دي مصيبة

- تعرفي ... كنت متخيل إنها هتبقى فرحانة إننا سيبنا بعض ولما جاتلي افتكرتها هتقولي طلقها مش رجعها

- أنت على طول فاهم صحابي غلط ، أنا من أول ما عرفت بجوازك روحتلهم وكنت مقررة أطلق وأخد العيال وأبعد عنك ، بس هما اللي هدوني وساعدوني اغير من نفسي ، كانوا واقفين في صفي وفي نفس الوقت ضدي ، واجهوني إنه زي ما أنت غلطت أنا كمان غلطانة ، دول مرايتي اللي بتوريني حقيقتي والحاجه اللي مش شايفاها ف نفسي

- ياااااه ، صدقيني أنا ما كنتش فاهم كدا ، ووعد من دلوقتي عمري ما هأبعدك عنهم

- أصلاً أنت ما تقدرش

- هههههههههه ماشي يا ستي ، بس بعد كدا لما أغلب معاكي هأروحلهم عشان يشوفولهم حل معاكي

- مش لما أوافق نرجع الأول ؟

- خلاص بقى يا رنوش ، والله العظيم بأحبك وما أقدرش أعيش من غيرك ، أنا كنت حاسس إني بأموت بالبطئ وإنتي بعيدة عني

- هتواجهني باللي هيضايقك مني ؟ مش هتخبي عليا ؟ ، عمرك ما تفكر ف غيري ولا تتجوز عليا ؟ ، هتقدر تعبي وحبي ليك ؟

- أوعدك بكل دا صدقيني ، غلطة ومش هتتكرر

- وضربك ليا ؟

- لو عملتها تاني أنا هأرضى بأي حكم ليكي ... ماشي؟

- ماشي

- يعني خلاص ؟ ، صافيه لبن ؟

- بس بشرط

- إيه هو ؟

أضافت بخبث: هتغير لمنة البامبرز شهر بحاله

أخفى وجهه بين كفيه صارخاً: لالالالالالا

رنا بتكبر: هو دا اللي عندي

تنهد بإستسلام: طيب ، أمري لله

سألته: وبابا عارف بكل الهلومه دي ؟

ضحك علي: أنا كلمته الأول وراضيته وبعد كدا استغليته عشان أجيبك هنا

رنا: أنا بردو حسيت الحكاية فيها إن

علي بحب: طب سيبك من إن وكان وتعالي نتعشا سوا بقى

سألته بإهتمام: والأولاد ؟

سحب علي كرسياً لتجلس فوقه واتخذ مكانه مقابلها: هيباتوا عند جدهم إنهارده ومن بكره هنروح نجيبهم ، هيفرحوا برجوعنا لبعض أوي ، دول ما بقوش طايقني ولا كلموني غير لما وعدتهم نرجع كلنا سوا من تاني

رنا: وإحنا هنروح فين الليلة دي ؟

نظرت لها بشغف ماكر: اللي إنتي ما تعرفيهوش إنه فوق المطعم دا فيه فندق وحجزت فيه أوضة وجهزتها من مجاميعه

رنا متفاجئة: بس أنا ما عملتش حسابي ومش معايا هدوم

ابتسم بخبث: ومين قالك إنك هتحتاجيها ؟

أردف عندما لاحظ أحمرار وجنتيها: على العموم باباكي جاب شنطة فيها اللي هيلزمك الليلة دي ... بيس؟

ابتسمت رنا بسعادة: بيس

قضوا فترة العشاء في الحديث عن كل شئ ما عدا افتراقهما وما حدث في الأونة الأخيرة من أمور أزعجتهم ، شعرت بأن علي الذي أحبته وتزوجته قد عاد من جديد وأن علي الذي تزوج عليها كان مجرد حيلة للتفريق بينهما وكان إختباراً من الله ليزداد الحب في قلبيهما ويقربهما من بعض أكثر فأكثر.